【太陽報專訊】無綫一班姐仔昨日為台慶綵排花式足球，眾女密實上陣，但俯身控球時卻齊齊走光，其中以葉翠翠及歐陽巧瑩失守情況最嚴重！
無綫一眾小生花旦忙為本月19日舉行的《萬千星輝賀台慶》進行表演綵排，昨日陳百祥（阿叻）帶領後輩葉翠翠、歐陽巧瑩、張秀文、陳自瑤、林夏薇及龔嘉欣等綵排花式足球，不過眾姐仔似乎零運動細胞，不時出現手腳不協調情況，惟她們俯身控球時即使打扮密實也不慎出現倒奶！當中翠翠、巧瑩及秀文走光程度最高，幾吋事業線表露無遺，相反已為人妻的呂慧儀卻因衫領高而幸免走光，可謂輸足成條街！
龔嘉欣獲力捧賣命
瘦蜢蜢的夏薇透露練習花式足球時，因熱身不足弄傷腰骨，談到無綫總經理區偉林公開點名力捧她與龔嘉欣，她說：「當然開心，多謝公司畀好多機會我哋，令到大家更有動力再做好啲。」而嘉欣則說：「嗰晚聽到之後，都有同夏薇過去區生度講多謝。（會賣命畀公司？）賣o架！我份合約仲有好耐時間。」
阿叻贏孖T袋120萬
至於阿叻透露表演該節目同時，會順道為明年巴西世界盃宣傳，直言即使無綫擁有播映權也沒有利潤：「我都收友情價囉！好在尋晚孖T贏咗120萬，所以話呢個世界一運二命三風水，我讀唔成書，但夠運行足10年，一台獨大都要有運，唔關無綫事，好似曾志偉少少獨大都要落嚟辭職，但最近搬咗屋風水好，連買隻新貓都改名叫阿旺呀！」
